ERMANAS,
ERMANOS, IJOS DE OMBRES!
Na,
Trajika Ironiya, La Tierra Prometida Ke Mos Aparejavan Los Nazis!
Tierra,
ande pretendiyan adjuntar las famiyas djudiyas.
En
realidad, ande brutalmente fuimos guerfanos de padre, de madre i de todos los muestros.
Nueva
Bavel, ande los ladridos nazis dominavan.
Tierra,
ande "muestras karas - komo diziya Benjamin Fondane ? servieron de eskupidero a los
S.S."
Tierra
de servidumbre sin esperansa de un Moshe salvador.
Yegado
aki el 22 de septembre de 1943, a los tres diyas, sinti en supito "mi dulse lingua
natal", kuando, yevando tuvlas en una anda, mi kompanyero de afriision me grito:
Ayde!
Era
un Selanekli. Nunka mas iva a verlo.
Me
afito daynda de avlar muestra lingua, i sovre todo, para ganarme media supa, de kantarla
kon la romansa de mi madre: "arvoles yoran por luvias".
57
anyos despues de mi deportasion,
en
marso 2000,
aboltava
kon espanto
en
esta tierra de afriision.
57
anyos despues, me aferrava
el
silensio estruidor
de
esta fabrika de muerte.
57
anyos despues, me egzijiyan
las
bozes de los miyos.
aki,
en este Memorial.
faltava
la laja en djudeo-espanyol.
Chapteado,
indinyado, no puediya akseptar tal absensia!
Kon
Michel Azaria i unos kuantos amigos, fondimos la asosiasion J.E.A.A.
(Djudeo-Espanyol
en Auschwitz), asosiasion ke yevo kon tenasidad, la aksion en favor de esta laja.
Oy
estamos arrekojidos delantre deya.
Oy
estan gravadas aki, para siempre, las dulses sonoridades de muestra
lingua ke, al zeman, ansina kantava el Haham Bashi de Turkiya, Haïm Bejarano:
A ti
lingua santa
a ti te
adoro,
mas ke
toda la plata,
mas ke
todo oro,
Tu sos
la mas linda
de todo
lenguaje.
A ti
dan las siensias
todo el
ventaje.
Kon ti
nos rogamos
al Dio
de la altura,
Patron
del universo
i de la
natura.
Si
mi puevlo santo
el
fue kativado,
kon
ti mi kerida
el
fue konsolado. |